هذه أكلة سنغالية لذيذة بزاف
المقادير
- كيلو روز عادي
- كيلو حوت القرب أحسن
- كيلو مطيشة
- حك مطيشة مويان
- التوم المعدنوس الملح لبزار سكنجبير التحميرة البصلة
- 2كيسان زيت
- نص كيلو خيزو 1 مكور صغير نص كيلو لفت الكرعة الحمرة بحال الخضرة ديال كسكسوو البطاطا الحلوة
الطريقة
نضفو الحوت نقطعوه طراف متوسطين نشقوا كل طرف ونعمروه بالتومةو المعدنوس و الملح مدقوقين في المهراز
ناخدوا طنجرة نديرو فيها الزيت والبصلة نخليوها تشحر ونضيفوا ليها الملح لبزار التومة سكنجبير
ونضيفوا الحوت ونقلبوه غير بشوية تم نضيفو مطيشة مطحونة اللي خلطناها مع مطيشة الحك و التحميرة ونغطيو على الكل حتى يبان لينا الزيت طلع على مطيشة ونحيدو الحوت ونديروه فشطبسيل تم نرميو الخضرو نضيفوا الماء
بعدما تطيب نحيدوها ونديرو الروز وهنا نردو بالنا مزيان باش الروز ميتعجنش خاص أولا نقصوا البوطة على حدها والماء ميكونش عايم بزاف على الروز ونسدوا الطنجرة ومرة مرة نقلبو بشي معلقة ديال العود وردي بالك حيت خاصو يجي حبة من حبة بحال ديال المشارقة
ومنين دوقيه تلقايه طاب صافي ضفي عليه وقدميهفي الطبق و ديري الحوت في الوسط وعاد الخضر وبالصحة و الراحة
بالمناسبة طريقة التقدم اتركها على عاتقك حبيبتي
لا اله الا الله محمد رسول الله صلو على الحبيب صلى الله عليه وسلم تسليما
