السلام عليكم ورحمة الله وبركاته
كيفكم خواتي ان شاء الله بخير
قبل ما ابدا بالموضوع ابيكم تصلون على المصطفى
االلهم صلي وسلم على نبينا محمد وعلى آله وصحبة اجمعين
المهم حبيباتي بقولكم مشكلتي
انا مشكلتي كثير من البنات يعانون منها بس ولله الحمد لقيت علاج ثوري اقدر اسميه مشكلتي حبوب الشباب وما ادراك ماحبوب الشباب ولا مو أي حب شباب يابنات حباتي بشكل مو طبيعي يعني الله يكرمكم يطلع منها دم ووصخ فظيع ما اقدر اوصفلكم اياه كان عادم منظر وجهي بشكل مو طبيعي موطبيعي كنت بامدرسة اقرف من نفسي والله بنات ما ابالغ كنت بشرتي كلها حبوب مو بس وجهي حتى رقبتي كلها كلاه حبوب المهم
والله يابنات تعبت رحت لدكاترة كثيرة بالنسبة لبشرتي وكل واحد يعطيني ادوية شكل ولا ما اخرج منهم اذا كل مارحتلهم بالفين او ثلاثه الالف ريال ويعطوني ادوية وجلسات بس ولاشي فاد معاي
يعني تقدرو تقولو فلوس على لفاضي بس لقيت الحل والحمدالله الي يشوف وجهي الحين ماكاني انا الي قبل تقريبا 4 اشهر بنات انا مو مصدقة الي صايرلي شي خيال صارت بشرتي مثل الاسويات ولا هذا الشي الي سويته شي بسيط حيل ولا ومافيه خسارة المهم انا كنت شايفة موضوع لوحدة من الاخوات كانت تشتكي من بشرتها وزي كذا وصفتله اياه بس مدري جربتها ولا لا
من جد يابنات ما اكذب عليكم بشرتي كانها بيبي
حتى وحده معاي بالجامعة سالتني ايش مسوية ببشرتك وقلتله عنها
وقلت لازم انزل موضوع عنها لان بنات ان شاء كثار راح يستفيدون منها
المهم نبدا فيها بس بنات الي بتقراها اكيد بتستخف فيها والله انا اقولكم جربوها وماراح تخسرو
الا وهي
تجبين قطن ابو لفة ولا المدور على كيفك
وتجيبين جيك قزاز ولها غطاء
ومرة أي مرة
وحلبة
وسدر
ماء ورد
المهم خطواتي تجبين المرة وتحطينها بالجيك
وتغلين مو صحة نظيفة بالغلياة تكون الموية حارة وتحطينها على المرة
وخليها تتنقع يمكن خليها يوم بس كل ما شفتيها رجيها جيدا
أي والمرة لازم تكون مركزة مو تحطين قليل لا لازم تكون مركزة مركزة يعني كثير
وبعدين حطيها بالثلاجة
كل يوم
تجبين زبدية وتحطين فيها المرة وتجبين القطن وتغمسينها فيه وتعصرين الي فيها برفق مو مرة تعصرين وتحطينه على وجهك تعدين كل خمس دقايق وتردين تغمسينها بالمرة طبعا القطن مايتغير وتخلينها لمدة ساعة وانت تسوين كذا
بعدين يابنات بتحسين وجهك مشدود بعد ماتشلين القطن لالالا تغسلين وجهك خلية بعد القطن من نص ساعة الى ساعة
بعدين اغسليه بموية فاترة بدون صابون او شاب واو أي شي بس موية هذا طبعا لازم يوميا نجي الاشياء الي تسوينها مع المرة تجيبين الحلبة وتطحنينها لازم تكون مثل البودرة وتجيبين شوي من المرة المنقوعة وتحطينه عل الحلبة وشوي ماء ورد تخلين الحبة مثل الماسك يعني لاخفيفه ولا سميكة مع المعلومية ان الحلبة تتشرب تراها الماء ومنقوع المرة بشكل مو طبيعي هذا تسوينها يوم ايه ويوم لا
وبعد السدر تجيبينه وتحطين علية منقوع المرة وماء الورد وتخلينه مثل الماسك لا خفيف ولا ثقيل وتحطينه يوم أي ويوم لا يعني يوم تحطين المرة الي بالقطن مثل الظهر سوي السدر بالليل ويوم تحطين المرة الي بالقطن مثلا الظهر وبالليل الحلبة وترا مالها ريحة الحلبة إذا غسلتي وجهك تروح
ويا بنات اهمم شي بعد ماتشلين المرة والحلبة والسدر ماتغسلي الا بس ماء فاتر يعني صابون وهذه الأشياء لالالالالالالالا
واستمري شهرين وشوفي شلون بشرتك وأي استفسار أنا جاهزة إن شاء الله بالرد وما أبي منكم إلا إن تدعو الله إن يرحم والدي ويحسن خاتمتي ويجعل قبري روضة من رياض الجنة أي وحدة بتنقل الموضوع ما عندي أي مانع أهم شي الفايدة تعم البنات
استغفر الله العظيم واتوب اليه
سبحان الله وبحمده سبحان الله العظيم
لأحول ولا قوة الابالله
لا اله إلا الله وحده لأشريك له له الملك وله الحمد وهو على كل شي
